Lëkundjet nga tërmeti i mëngjesit të së martës rikthyen panikun tek qytetarët e Tiranës, Durrësit dhe zonave përreth.
Por, për ekspertët, duke qenë se Shqipëria është një vend me aktivitet të rregullt sizmik, tërmete të kësaj natyre konsiderohen normale.
Edhe pse të paparashikueshme, monitorimet e mëtejshme sinjalizojnë për qetësim të aktivitetit sizmik, ndaj bëhet thirrje për ruajtje të qetësisë.
Por, cilat janë zonat më të rrezikuara aktualisht në Shqipëri për aktivitet sizmik? Damian Koxhaj përgjigjet për A2: “Vendi ynë ka tërmete si në jug, si në veri... por më shumë zona perëndimore, bregdeti, është më aktiv”.
Lëkundjet këtë herë, ndonëse të lehta, rikthyen në kujtesë tërmetin e 26 nëntorit 2019. Edhe pse këtë herë, fatmirësisht pa të lenduar apo dëme materiale, megjithatë na rikujtuan se vigjilenca dhe ruajtja e qetësisë mbeten të vlefshme. (A2 Televizion)
A2 CNN Livestream
MUND TE LEXONI GJITHASHTU
