Engjëll Cani, babai i Martin Canit, në një lidhje direkte me studion e “Off the Record” nga Andrea Danglli, në A2CNN, deklaroi se dënimi me 16 vite burg i vrasësit të djalit të tij “është një rreze drejtësie”.
“Është një rreze drejtësie sepse ngjarja ishte e paramenduar dhe ishte me dy viktima. Pavarësisht se Luizi shpëtoi nga mrekulli e Zotit dhe ligji për të mitur këtu në Shqipëri është përgjysmohet dënimi. I dha 32 dhe përgjysmohet në 16.
Ai pati një mesazh edhe për prindërit e adoleshentëve, duke u thënë që “të kenë sa më shumë ura lidhëse dhe të jenë sa më shumë afër fëmijëve”.
“Në rastin tim nuk është e njëjtë, sepse unë me djalin tim Martinin isha shumë i lidhur dhe e ndiqja çdo ditë. Edhe bashkëshortja ime ishte mësuese dhe ishte gjithmonë në kontakt me të, sepse e dinte këtë moshën e adoleshencës, sepse është mosha 14, 15 deri në 18 është e vështirë. Edhe ne ishim shumë prezent, bisedonim, kishim shumë lidhje, por kjo nuk ishte e mjaftueshme sepse ndodhi te porta e shkollës sepse se ne po të na kishte njoftuar qysh ditën e premte që kishte ndodhur sherri me një sms kishim shpëtuar jetë. Sepse Martini nuk kishte TikTok, nuk ishte i apasionuar mbas rrjeteve sociale dhe sherri ishte mes dy moshatarëve të së njëjtës shkollë”, tha Engjëll Cani.
Sipas tij, nuk janë marrë masa pas ngjarjes tragjike që i mori jetën djalit të tij.
“Më thoni një masë që është marë. Ne deri tani kemi pasur 5-6 raste të tjera. Rasti më i freskët ishte para një jave. Ne kemi dalë, kemi demonstruar për të gjithë fëmijët shqiptarë. Ne jetojmë në Shqipëri dhe çdo gjë është e mundur këtu. Këtu ka vazhduar mësimi normalisht të nesërmen, si për Martinin ashtu dhe për Erjonin, djalin tjetër që u vra në Durrës. Ato po zihen ditë për ditë në shkolla. Po të shkoni në shkolla do të shihni çfarë bëhet”, deklaroi më tej Cani.
(A2 Televizion)
A2 CNN Livestream
MUND TE LEXONI GJITHASHTU
