Një djalë 7-vjeçar me emrin Eli i shpëtoi jetën motrës së tij të vogël, duke u futur në dhomën e saj përmes një dritareje, teksa një zjarr po shkatërronte shtëpinë e familjes së tij.
Ajo që ishte një natë krejt e zakonshme, për pak përfundoi në një tragjedi për familjen Davidson në Tenesi, më 8 dhjetor. Chris dhe Nicole Davidson, si dhe tre fëmijët e tyre u zgjuan nga aroma e tymit dhe brenda pak minutash, shtëpia e familjes ishte në flakë.
Ndërsa çifti ishte në gjendje të nxirrte jashtë dy djemtë Elijah dhe Eli, foshnja 22-muajshe mbeti e bllokuar në dhomën e saj.
I ati tha për CNN se zjarri ishte aq i fuqishëm sa ai nuk mundi të shkonte tek e bija.
“Ne dolëm jashtë për t'i ardhur në ndihmë nga dritarja, por nuk kishte asgjë që mund të më mbante mua, kështu që mora Elin, i cili kaloi nga dritarja dhe e mori atë".
"Ne nuk mund të ishim më krenarë për të", tha Davidson. "Ai bëri diçka që një njeri i rritur nuk do ta bënte."
Në kohën kur zjarrfikësit mbërritën në vendngjarje, shtëpia ishte përfshirë tashmë në flake dhe ditën tjetër nuk kishte mbetur më asgjë prej saj. (A2 Televizion)
A2 CNN Livestream
MUND TE LEXONI GJITHASHTU
