Rritja e çmimit të naftës do të rrisë kostot e bizneseve dhe do të rrezikojë ndjeshëm financat e shumë prej tyre. Shtrenjtimi i karburanteve po rëndon jo vetëm xhepat e qytetarëve, por dhe sektorët kryesorë të ekonomisë si transporti, prodhimi dhe industria, të cilët duhet të paguajnë disa herë më shumë për lëndën e parë. Sipas drejtuesit të Dhomës së Tregtisë Dhe Industrisë, Nikolin Jaka, në këto kushte nevojiten politika të posaçme si ulja e taksave.
Për Jakën, rritja e kostove për prodhuesit vendas nuk do të reflektohet në rritjen e çmimeve të produkteve të konsumit, për shkak të konkurrencës nga mallrat e importit. Por kjo situatë do të rrezikojë daljen e shumë prodhuesve nga tregu.
Pesha që zënë karburantet në kostot e biznesit varion nga 10-20% për pjesën më të madhe të prodhuesve, deri në mbi 50% për industri të caktuara si transporti. Paralelisht, sipërmarrja po përballet me një rritje të çmimit të energjisë elektrike dhe të lëndëve të para. (A2 Televizion)
A2 CNN Livestream
MUND TE LEXONI GJITHASHTU
