Shtyhet për në 7 nëntor seanca në Komisionit të Posaçëm të Apelimit për Besnik Muçin. Kolegji nuk pranoi provat e paraqitura nga Muçi, të marra nga Greqia dhe Turqia, për shkak se nuk janë paraqitur në formën e kërkuar nga ligji. Muçi shpjegoi për Kolegjit se po pret ardhjen e tyre me postë diplomatike.
Vettingu për prokurorin Muçi, i cili ditët e fundit është betuar si anëtar i Gjykatës Kushtetuese, vijon në shkallën e dytë pasi Komisioneri Publik apeloi vendimin e KPK për ta konfirmuar atë në detyrë për shkak të problemeve me pasurinë si dhe marrjen e një huaje nga dy persona të proceduar penalisht.
KPA kërkoi në seancën e mëparshme informacion nga Prokuroria për Krimet e Rënda dhe Prokuroria e Tiranës, të cilat kanë kthyer përgjigjet dhe ato i janë përcjellë Komisionerit Publik dhe subjektit. Prokurori Muçi deklaroi para trupës së KPA se pasi u njoh me përgjigjen rezultoi se për shtetasit e paraqitur nuk ka kryer veprime proceduriale.
“Kërkoj të merren si provë bilancet financiare të dy huadhënësve të mi, çka provon aftësinë e tyre dhe të ardhurat në burime të ligjshme. Dy personat e lidhur me mua, A.L. dhe B.O. janë proceduar për "moskallëzim krimi" dhe "drejtim të parregullt të mjetit", komisioneri duhet të sqaronte cila është lidhja e këtij informacioni me procesin. A.L. sot është një nga taksapaguesit me të mëdhenj të bashkisë Tiranë dhe një nga punëdhënësit më të mëdhenj”, shtoi Muçi. (A2 Televizion)
A2 CNN Livestream
MUND TE LEXONI GJITHASHTU
