Diktatori i Koresë së Veriut, Kim Jong Un, ka pranuar zyrtarisht se vendi i tij ka probleme dhe mungesa në furnizimin me ushqime.
Duke folur në një mbledhje me udhëheqësit e lartë të shtetit komunist, ai tha se “situata me ushqyerjen e njerëzve po bëhet shumë e tensionuar”.
Kim Jong Un nënvizoi se sektori i bujqësisë ka dështuar të përmbushë objektivat e tij të grurit për shkak të tajfuneve vitin e kaluar, që shkaktuan përmbytje. Ka raportime për rritje të çmimeve, teksa mediat shkruajnë se një kilogram babanë në Korenë e Veriut kushton 45 dollarë amerikanë. Shteti komunist ka mbyllur kufijtë për të ndaluar përhapjen e Covid-19.
Kjo ka bërë që tregtia me Kinën, vend tek i cili mbështetet për furnizime me ushqim dhe karburant, të bjerë në nivele tepër të ulëta. Në të njëjtën kohë, Koreja Komuniste përballet dhe me sanksionet ndërkombëtare. (A2 Televizion)
A2 CNN Livestream
MUND TE LEXONI GJITHASHTU
