Solidaritet mbarëpopullor për të prekurit nga tërmeti në Turqi, ndihma dhe mesazhe emocionale

Pas tërmeteve në Kahramanmaraş, po mblidhen ndihma nga e gjithë Turqia për t'u dërguar në zonat e prekura më së shumti, që kanë lënë më mijëra qytetarë jashtë në të ftohtë.

Së bashku me këto ndihma, qytetarët dërguan edhe mesazhe emocionale për viktimat e tërmetit.

“Shpresojmë t’ju kemi bërë sadopak të lumtur”.

“Ne jemi gjithmonë me ju. Shpresoj që lodrat e mia t’ju bëjnë të lumtur sadopak”.

“Po ju dhuroj dhe uroj t’ju mbajnë ngrohtë çorapet që dëshmori im nuk mund t'i vishte”.

"Të gjitha lutjet e mia janë me ju. Unë po ju dërgoj këtë kuti ndihme nga Antalia. Shpresoj se kam qenë e dobishme. Ju nuk jeni vetëm. Ne do t'ju ndihmojmë me aq sa mundemi". (A2 Televizion)

Mesazhet e qytetarëve për të prekurit nga tërmeti