Ambasadori i Bashkimit Europian në Tiranë, Luigi Soreca, përshëndeti ndihmën e ardhur sot në Shqipëri për luftën kundër zjarreve masive që janë ende aktive në zona të ndryshme të vendit.
“Ndërkohë që beteja kundër flakëve vazhdon, vijon edhe solidariteti i Bashkimit Europian ndaj popullit shqiptar”, shkruan ambasadori në rrjetet sociale.
Në aeroportin e Rinasit kanë mbërritur 3 helikopterë, dy nga Holanda dhe një nga Çekia, në kuadër të aktivizimit të Mekanizmit të Mbrojtjes Civile të Bashkimit Evropian, për shuarjen e zjarreve në territorin e Shqipërisë.
Nga Çekia mbërriti helikopteri i parë, nga 3 që pritet t’i bashkohen flotës së ndihmës për shuarjen e flakëve. Bashkë me helikopterët, pjesë e ndihmës janë edhe mbi 50 forca ushtarake të specializuara në fushën e emergjencave civile, të cilët do t’i bashkohen efektivëve shqiptarë që prej ditësh janë në përpjekje të pandërprera për shuarjen e flakëve në disa zona të Shqipërisë. (A2 Televizion)
A2 CNN Livestream
MUND TE LEXONI GJITHASHTU
