SPAK kërkon arrestimin e tij, reagon për herë të parë Arben Ahmetaj

Nga A2 CNN
13 Korrik 2023, 23:30 | Politikë
SPAK kërkon arrestimin e tij, reagon për herë të parë

Arben Ahmetaj ka reaguar për herë të parë që kur SPAK ka kërkuar arrestimin e tij. Me anë të një mesazhi të dërguar në një studio televizive, ish-zv/kryeministri tregoi se kur do të dalë të flasë.

“Do dal kur ju të lexoni dosjen.
Do dal kur ju të tregoni që akuzohem se kam pas njohje e shoqëri me një njeri që në atë kohë ka qenë njeri normal dhe në punët e veta.
Do dal kur të lexoni që akuzohem për korrupsion se ish-gruaja ime ka shit metra katrorë në treg të lirë. Do dal kur të kuptohet që bashkëjetuesja ime dhe familja e saj ka blerë me transaksion të pastër bankar një pronë.
Do dal kur të kuptoni dhe lexoni dhe faktoni se Klodian Zoto s’ka qenë kurrë po kurrë pronar i asaj prone që të ishte në gjendje që ta falte apo dhuronte.
Do dal kur të lexoni gjithë letrat e mia në favor të interesit publik si ato që shyqyr që dolën sot.
Do dal kur e vërteta të ketë marrë rrugë.
Do dal kur ju të bëni pyetje të vërtetë se ku ka favorizuar Arben Ahmetaj.
Do dal kur ta kuptoni që s’kam pas lidhje me procedurën.
Atëherë do dal.
Do dal kur të lexoni se ato biseda të 2012 janë komplet impotente në aspektin e lobimit apo favorizimit, aq me tepër në opozitë”, ka shkruar Ahmetaj.

Ditën e djeshme, me qëndrimin pro në Këshillin e Mandateve, duke e bashkuar me atë të demokratëve, mazhoranca i rekomandoi Parlamentit që t’i hapë rrugë arrestimit dhe kontrollit të banesës së deputetit të Partisë Socialiste.  (A2 Televizion)

https://a2news.com/2023/07/12/ps-dorezon-ahmetajn-kuvendi-zhvesh-deputetin-nga-imuniteti-jep-ok-per-arrestimin/

A2 CNN Livestream

Latest Videos