Me 15 gola të shënuar në të gjitha aktivitetet, nga të cilat 11 në Superligën turke, Rey Manaj është padyshim futbollisti më në formë i Kombëtares.
Paraqitjet e tij nuk i kanë shpëtuar syrit të klubeve nga ligat e mëdha europiane, por te Sivasspori nuk kishin ndërmend të hiqnin dorë në mes të sezonit.
Sipas zëdhënësit të skuadrës turke, Gokhan Karagol, Manaj do të thyejë rekordin e transferimeve të klubit, që mbahet nga Konak, i cili u shit te Brajtoni në Angli për 4.5 milionë euro.
“Për Manaj vazhdojmë të marrim oferta, megjithatë i kemi refuzuar sistematikisht, duke shtyrë gjithçka për në fund të sezonit. Pas Kampionatit Europian presim që Manaj të thyejë rekordin e klubit për sa i takon shitjeve”, tha zyrtari i Sivasspor. (A2 Televizion)
A2 CNN Livestream
MUND TE LEXONI GJITHASHTU
