Dita dhe ora e ndeshjes Inter-Roma u kthye në telenovelë.
Fillimisht u njoftua se të gjitha ndeshjet e Serisë A të parashikuara për të shtunën do të shtyheshin për shkak të funeralit të Papa Françeskut.
Por, Interi bëri kërkesë që ndeshja e tij ndaj Romës të mos shtyhej, duke pasur parasysh se në mesjavë luan me Barcelonën gjysmëfinalen e Champions League. Liga e Serisë A e pranoi këtë kërkesë, duke i ndryshuar vetëm orarin kësaj ndeshjeje, nga ora 18:00 në orën 20:45.
Pikërisht kur u duk se gjithçka ishte vendosur, situata ndryshoi sërish, shkruan A2. Sipas vendimit zyrtar, ndeshja Inter-Roma në fakt do të luhet të dielën, në orën 15:00.
Ditën e shtunë janë anuluar të gjitha aktivitet sportive në Itali pasi do të zhvillohet funerali i Papa Françeskut.
(A2 Televizion)
A2 CNN Livestream
MUND TE LEXONI GJITHASHTU
