Pasi humbi titullin përballë Egnatias te Vllaznia ka nisur revolucioni. Thomas Brdaric nuk do të jetë më trajner i kuqebluve për sezonin e ardhshëm. Ka qënë vetë faqja zyrtar e klubit shkodran që me anë të një postimi e falënderoi gjermanin për të gjithë kontributin e dhënë.
Për 50-vjeçarin gjerman, kjo ishte aventura e dytë në Shkodër. Ai mori drejtimin e kuqebluve që prej 26 prillit të vitit të kaluar duke e dërguar deri në ndeshjen e fundit të "Final 4", por pa mundur të marrë titullin kampion ndonëse kuqeblutë kishin 24 vite që e prisnin.
Disfata 4-0 e shkodranëve në Loro Borici nuk është kaluar lehtë në kampin kuqeblu. Me herët përveç Brdaric, Vllaznia ka mbyllur bashkëpunimin dhe drejtorin sportiv të klubit Tefik Osmani.
Korçari për 1 vit e gjysmë ishte pjesë e Vllaznisë dhe me përfundimin e kontratës dy palët kanë vendosur të ndajnë rrugët me njëri tjetrin.
Sezonin e rregullt Vllaznia e mbylli në vendin e dytë në renditje, fitoi me Dinamon në gjysmëfinalen e Final 4 dhe u mposht 4-0 nga Egnatia në finalen e titullit kampion. (A2 Televizion)
A2 CNN Livestream
MUND TE LEXONI GJITHASHTU
