Duket se Kylian Mbappé nuk po i gëzohet qetësisë as pas transferimit të shumëpritur te Real Madridi. Largimi i tij nga Paris Saint-Germain, që në letër dukej i rregullt dhe pa drama, ka shpërthyer në një përplasje ligjore që po merr përmasa gjithnjë e më të mëdha.
Pasi fitoi një betejë të parë në gjykatë – ku iu njohën rreth 55 milionë euro si paga e papaguar dhe bonuse të prapambetura nga PSG – Mbappé po përballet tani me një kundërsulm të fortë nga klubi francez.
PSG ka kërkuar ndalimin e sekuestrimit të shumës që gjykata kishte urdhëruar në prill dhe ka ngritur një padi të re, duke kërkuar nga sulmuesi 98 milionë euro. Sipas avokatit të klubit, Renaud Semerdjian, kjo shumë përfaqëson "dëmet e shkaktuara nga taktikat vonuese të Mbappés", që sipas tyre kanë ndikuar negativisht në financat dhe stabilitetin e klubit. (A2 Televizion)
A2 CNN Livestream
MUND TE LEXONI GJITHASHTU
