Milan apo Bolonja. Sot në mbrëmje kuqezinjtë përballen me Bolonjën në Olimpiko në finalen e Kupës së Italisë. Ekipi i Sergio Conceicao kërkon trofeun e dytë këtë sezon pas superkupës së Italisë dhe mbi të gjithë ky trofe për milanistët është shpëtimi i vetëm për një vend në Europë sezonin e ardhshëm.
Kupa e Italisë , nga ana tjetër, do të kurorëzonte një udhëtim sensacional nga Bolonja , e cila vetëm në vitet e fundit është bërë e sigurt në futbollin italian, duke arritur fillimisht një kualifikim historik për Ligën e Kampionëve sezonin e kaluar dhe më pas duke konfirmuar pozicionin e saj në vendet e para të Serie A.
Ndryshe nga djemtë e Conceição-s, kjo fitore do të ishte historike pasi Rossoblu nuk kanë fituar një trofe që nga viti 1998, viti kur fituan Kupën Intertoto ndërsa triumfi i fundit në Kupën e Italisë daton që nga sezoni 1973/1974.
Milanistët fituan 3-1 ndaj Bolonjës fundjavën e kaluar në ndeshjen e vlefshme për Serie A duke dhënë sinjale se mbeten ata favoritët e kësaj sfide megjithatë në 90 minuta gjithçka mundi të ndodhi.
Për ndeshjen në Olimpico, Conceição rikthen Fofanën , i cili do të luajë në mesfushë përkrah Reijnders ndërsa dritën jeshile e ka marrë dhe Tomori që do të kthehet në mbrojtje me Gabbian dhe Pavlovicin.
Në sulm, pavarësisht dy golave të Gimenez, Jovic pritet ta fillojë nga minuta e parë. Nga ana tjetër Bolonja do të luajë me të njëjtin formacion si në ndeshjen e kampiontit duke shpresuar se këtë herë mund të bëjë diçka më mirë. Finalja e Kupës së Italisë, Milan-Bolonja do të luhet sot duke nisur prej orës 21:00. (A2 Televizion)
A2 CNN Livestream
MUND TE LEXONI GJITHASHTU
