Trajneri i Barcelonës Xavi Hernandez reagoi menjëherë për të ardhmen e tij në stolin e blaugranave, pas humbjes së turpshme që pësoi ekipi në shtëpi ndaj Villareal, ku u mund me rezultatin e thellë 3-5.
Xavi doli përpara mediave dhe u shpreh se do të largohet nga Barcelona në fund të sezonit, për të kërkuar një aventurë të re, por pa e specifikuar.
Humbja ndaj Villareal, ishte e 3 për Barcelonën në 5 ndeshjet e fundit.
Aktualisht katalanasit renditen në vendin e tretë me 10 pikë më pak nga Reali kryesues dhe 8 pikë nga Girona e vendit të dytë.
Tronditja e stolit të Xavit nisi në fillim të janarit pas humbjes së finales së Superkupës së Spanjës përballë Realit dhe më pas eliminimi nga Kupa e Mbretit.
Barcelona është ende në garë për të shpëtuar sezonin e saj teksa shpresat janë në Champions League, ku shorti i ka vënë përballë Napolit.
(A2 Televizion)
A2 CNN Livestream
MUND TE LEXONI GJITHASHTU
