I mori fanellën Mbappes pas pjesës së parë, mbrojtësi i Alaves në telashe

Entuziazmi dhe dëshira për të nxituar për t’i marrë fanellën Kylian Mbappe, nuk ka rezultuar me një fund të lumtur për mbrojtësin e Alaves, Abdel Abqar.

Marokeni i kërkoi Mbappes fanellën gjatë pushimit mes dy pjesëve, para se të hynte në dhomat e zhveshjes dhe e mori, por më pas ai u poshtërua nga trajneri i tij Luis Garcia.

Trajneri u zemërua me mbrojtësin për këtë gjest pasi Reali shkoi në pushimin mes pjesëve në epërsinë e dy golave, njëri prej tyre i shënuar nga Mbappe.

Francezi ishte në humor të mirë dhe i dha fanellën rivalit të tij, por Garcia dhe tifozët e Alaves e interpretuan gjestin e tij si poshtërim për klubin, ndaj trajneri si ndëshkim nuk e riktheu në fushë në 45 minutat e dyta.

Tifozët e Alaves e kanë uruar trajnerin për këtë lëvizje, ndërsa kërkojnë tashmë dënimin e Abqar dhe i kanë thënë që t’i shikojë bashkëlojtarët sesi veprojnë dhe nuk i “gjunjëzohen” Mbappes. (A2 Televizion)