Juventsi nuk arrin të rikthehet te fitorja, por të paktën shmang humbjen në transfertën ndaj Cagliarit. Bardhezinjtë barazuan 1-1, falë një goli të Kolo Muani, në një ndeshje ku vendasit ishin shumë pranë suksesit.
Cagliari kaloi në avantazh në minutën e 20-të. Daniel Maldini përfitoi nga hapësirat në mbrojtjen juventine dhe dërgoi topin në rrjetë, duke i dhënë skuadrës së tij një epërsi të rëndësishme.
Juventusi reagoi duke kërkuar barazimin, por rastet e krijuara nuk u konkretizuan. Me kalimin e minutave, presioni i skuadrës së Luciano Spallettit u shtua, ndërsa koha punonte në favor të vendasve.
Kur dukej se Cagliari do të merrte tri pikët, erdhi momenti i Kolo Muanit. Francezi realizoi në minutën e 81-të duke rikthyer baraspeshën në fushë.
Por tensionet nuk munguan as pas vërshëllimës përfundimtare. Dy trajnerët u ndëshkuan me kartonë të kuq pas një konfrontimi verbal. Një pikë që e mban Juventusin në garë, por që tregon se skuadra torineze ka ende punë për të bërë nëse synon të jetë mes ekipeve kryesore të Serie A. (A2 Televizion)
A2 CNN Livestream
MUND TE LEXONI GJITHASHTU
