Më shumë se një milion bileta janë shitur tashmë për Kupën e Botës 2026, tha FIFA të enjten në përditësimin e saj të parë mbi shifrat që nga fillimi zyrtar i shitjeve në fillim të këtij muaji.
Kërkesa më e lartë, siç pritej, ishte nga blerësit në SHBA, Kanada dhe Meksikë, tri vendet mikpritëse të turneut.
FIFA tha se njerëz nga 212 vende dhe territore të ndryshme kanë blerë tashmë, edhe pse vetëm 28 nga 48 vendet në fushë janë mbushur.
Duke përmbledhur 10 vendet e para për sa i përket biletave të blera tashmë: Anglia, Gjermania, Brazili, Spanja, Kolumbia, Argjentina dhe Franca, sipas radhës, tha FIFA. Turneu zhvillohet nga 11 qershori deri më 19 korrik.
FIFA njoftoi gjithashtu se faqja e saj e rishitjes është hapur dhe biletat për finalen e Kupës së Botës në East Rutherford, New Jersey, ishin të disponueshme me çmime që varionin nga 9.538 dollarë deri në 57.500 dollarë.
FIFA nuk zbuloi ndonjë shifër specifike se sa bileta janë shitur për ndeshje të caktuara. Po ashtu, nuk ka publikuar një tabelë me çmimet e listës së biletave sikurse herëve tjera.
Blerësit në raundin e parë të disponueshmërisë u përzgjodhën nga 4.5 milionë aplikues në një lotari që u zhvillua muajin e kaluar. Periudha e regjistrimit për shortin e ardhshëm do të hapet më 27 tetor, tha FIFA duke vënë në dukje se biletat për një ndeshje të vetme për të gjitha 104 ndeshjet, së bashku me biletat specifike për vendin dhe ekipin, do të publikohen.
Të dhënat e biletave kanë treguar se vendet me çmimin më të ulët - të vendosura në 60 dollarë - ishin në dispozicion për të paktën 40 ndeshje. Ndeshja hapëse për SHBA-në, që do të luhej në Inglewood Kaliforni, kishte çmime që varionin nga 560 dollarë deri në 2.735 dollarë. Në faqen e rishitjes, të paktën një biletë për ndeshjen hapëse të SHBA-së më 12 qershor u listua për 61.642 dollarë të enjten.
Tifozët me mundësinë e blerjes mund të zgjidhnin vende në njërën nga katër kategoritë: Kategoria 1 është ajo që zyrtarët e FIFA-s e quajnë vendet më të mira, Kategoria 4 është diku rreth majave të stadiumeve. Çmimet e biletave pritet të luhaten ndërsa eventi më i madh i futbollit përdor çmime dinamike për herë të parë.
Fituesit në fazën e dytë të shortit të biletave do të jenë në gjendje të blejnë nga mesi i nëntorit deri në fillim të dhjetorit. Një fazë e tretë, e quajtur short përzgjedhjeje i rastësishëm, do të fillojë pasi shorti përfundimtar i ekipeve më 5 dhjetor përcakton orarin e Kupës së Botës.
FIFA ka thënë se biletat gjithashtu do të jenë të disponueshme më afër turneut "sipas parimit "Kush vjen i pari, shërbehet i pari". Kosovapress. (A2 Televizion)
A2 CNN Livestream
MUND TE LEXONI GJITHASHTU
