Prokuroria e Durrësit nisi kryesisht hetimet për vdekjen e futbollistit të ekipit të futbollit të Egnatias, Rafael Dwamena.
Burime nga organi i akuzës bëjnë të ditur se janë pyetur stafi mjekësor i Egnatias, spitalit të Rrogozhinës dhe atij të Kavajës.
Gjithashtu, pjesë e verifikimeve mbi shkaqet e vdekjes e futbollistit të Egnatias, do të jetë edhe ekspertiza mjekoligjore që do të hartohet në Tiranë.
Rafael Dwamena humbi jetën në spital, vetëm pak minuta pasi pësoi kolaps në fushë. Futbollisti u transportua me urgjencë në spitalin e Rrogozhinës.
Duke qenë se gjendja e 28-vjeçarit ishte mjaft e rënduar, ai u vendos te transportohej me urgjencë drejt Tiranës, por ambulanca u detyrua të ndalonte në spitalin e Kavajës, aty ku Dwamena mbërriti pa shenja jete.
Futbollisti ka patur probleme me zemrën prej vitit 2020. Edhe pse mjekët e patën këshilluar të tërhiqej nga karriera si futbollist, Dwamena vazhdoi të luante. (A2 Televizion)
A2 CNN Livestream
MUND TE LEXONI GJITHASHTU
