Milan arriti fitoren e dytë radhazi në Serinë A, teksa mposhti 3-1 Frosinonen në San Siro, në një ndeshje ku Marvin Çuni e nisi si titullar për miqtë.
Në minutën e 42, sulmuesi shqiptar pati rast të pastër për të ndëshkuar Milanin. Pasi i “vodhi” topin Tomorit, u shfaq i vetëm përballë Maignan, por nuk ia doli të mposhtë gardianin francez me parable.
Në aksionin pasardhës, Milani gjeti golin me anë të Luka Jovic dhe pjesa e parë u mbyll 1-0.
Në fraksionin e dytë, Pulisic dhe Tomori realizuan respektivisht në minutat 50 dhe 73, për t’i dhënë 3 pikët “Djallit”. Frosinone vetëm sa shkurtoi diferencat me Brescianini në minutën e 82.
Milan ngjitet në kuotën e 29 pikëve, në vendin e tretë, duke ruajtur hapin e Juves dhe Interit.
(A2 Televizion)
A2 CNN Livestream
MUND TE LEXONI GJITHASHTU
