Futbollistët e Vllaznisë kanë mbyllur bojkotin dhe i janë rikthyer normalisht stërvitjes, pas akordit të arritur me drejtuesit e klubit shkodran. Situata e krijuar në orët e fundit duket se është zgjidhur, të paktën për momentin, duke i dhënë fund një proteste që bëri që skuadra të mos zhvillonte seancën e planifikuar stërvitore ditën e djeshme.
Pas bisedimeve mes palëve, lojtarët dhe drejtuesit kanë gjetur një marrëveshje, duke hapur rrugën për rikthimin e futbollistëve në fushë. Kështu, bojkotit i jepet fund pas vetëm një dite, ndërsa skuadra mund të vijojë përgatitjet për angazhimet e saj të ardhshme.
Vendimi për të ndërprerë stërvitjen ishte një sinjal i qartë i pakënaqësive të futbollistëve lidhur me pagat e prapambetura.
Mungesa e skuadrës në seancën stërvitore krijoi një situatë të pazakontë për kuqeblutë të paktën në 10-11 vitet e fundit, në një moment kur vazhdimësia e punës dhe përgatitja fizike e grupit kanë rëndësi të veçantë sepse më 11 tetor luhet ndeshja me Dinamon.
Për Vllazninë, tashmë vëmendja duhet të përqendrohet sërish te fusha e lojës dhe te përgatitjet për ndeshjet e radhës. Një ndërprerje e tillë, edhe kur zgjat vetëm një ditë, mund të ndikojë në ritmin e punës së ekipit, ndaj rikthimi i shpejtë në normalitet është një hap i rëndësishëm për skuadrën shkodrane.
Nga ana tjetër, mbetet e rëndësishme që marrëveshja e arritur të shërbejë për të lënë pas tensionet e krijuara dhe për të garantuar vazhdimësinë e punës në një klimë më të qetë.
Për momentin, lajmi pozitiv për tifozët kuqeblu është se situata nuk ka shkuar drejt një përshkallëzimi të mëtejshëm. Futbollistët kanë vendosur të mbyllin bojkotin, ndërsa marrëveshja me drejtuesit i hapi rrugën rikthimit të skuadrës në stërvitje.
Për kuqeblutë, objektivi është që kjo çështje të mbetet pas dhe përqendrimi të rikthehet plotësisht te futbolli. (A2 Televizion)
A2 CNN Livestream
MUND TE LEXONI GJITHASHTU
