Atletja amerikane Mclaughlin-Levrone u konfirmua si kampione olimpike në garën e 400 metrave me pengesa. Titullin e mbrojti me kohën 50 sekonda e 37 të qindtat, duke thyer rekordin e botës që e mbante po ajo vetë.
Amerikania tjetër, Ana Kokrell fitoi medaljen e argjendit, ndërsa holandezja Femke Bol, e cila pritej të duelonte për medaljen e artë, humbi terren në 50 metrat e fundit dhe u kënaq vetëm me vendin e tretë.
Kjo është hera e gjashtë që Mclaughlin-Levron thyen rekordin e botës, duke e përmirësuar edhe më tepër primatin e vendosur në muajin qershor, në garat e zhvilluara në Amerikë. Në garën e 110 metrave me pengesa për meshkuj triumfoi Grent Halloway. Amerikani arriti më në fund që t’i shtonte medaljen e artë olimpike koleksionit të tij të shkëlqyer. Në gjysmën e garës, ai arriti të shkëputej një metër nga rivalët, përpara se të kalonte i pari në finish dhe të festonte suksesin.
26-vjeçari që në gjashtë vitet e fundit ka fituar çdo titull tjetër, duke përfshirë edhe tre kampionate botërorë, e ndali kronometrin në kohën 12.99 sekonda. Argjendi i shkoi amerikanit Roberts, ndërsa bronzi për xhamajkanin Bradbell.
Në garat e tjera të atletikës, amerikania Tara Dejvis-Ud’hollu shpall kampione olimpike në kërcim së gjati, duke shkurorëzuar gjermanen Malaika Mihambo që mori argjendin.
Ndërkohë, në hedhjen e shtizës, triumfoi pakistaneziArshad Nadem, që la pas indianin Çopra dhe Peters nga Grenada.
(A2 Televizion)
A2 CNN Livestream
MUND TE LEXONI GJITHASHTU
