Dy herë kampioni i botës në peshat e rënda, Joshua, u rikthye në ring për herë të parë që nga humbja me nokaut ndaj Daniel Dubois në shtator 2024.
Ish-kampioni britanik i botës në peshat e rënda, Anthony Joshua, i dha një dozë realiteti YouTuber-it të shndërruar në boksier, Jake Paul, ndërsa fitoi përballjen e tyre të shumëpritur.
Sipas mediave të huaja, Joshua u detyrua të punonte shumë më tepër sesa do të donte për të ‘shuar’ sfidën e një kundërshtari të guximshëm, por me disa kufizime.
Joshua e rrëzoi tre herë me nokaut Paulin, përpara se t’i jepte goditjen e fundit me të djathtën në gjysmën e raundit të gjashtë.
Luftëtari britanik i ngriti dorën Paulit në shenjë respekti pas ndeshjes që u transmetua në platformën Netflix, shkruan A2 CNN.
"Jake Paul ka bërë shumë mirë sonte. Dua ta përgëzoj, ai u ngrit, herë pas here", tha ai për kundërshtarin e tij.
Joshua tha se "nuk ishte performanca më e mirë", duke shtuar: "U desh pak më shumë kohë se sa pritej. Por dora e djathtë më në fund gjeti destinacionin."
Ndërkohë, Paul tha: “Ndihem mirë, ishte argëtuese. E dua këtë sport. Dhashë gjithçka, është çmenduri. E kalova shumë mirë.”
"Bëra shumë, por për këtë bëhet fjalë në këtë sport. Do të kthehem dhe do të vazhdoj të fitoj", shtoi ai.
Paul vijoi më tej duke thënë: "Thjesht u lodha për të qenë i sinqertë. Ai luajti në mënyrë të mrekullueshme dhe godet shumë fort."
Ndeshja shënoi fundin e një pauze 14-mujore për Joshuan, 36 vjeç, ndërsa për Paulin 28-vjeçar ishte ndeshja më e madhe që nga fillimi i karrierës së tij në boks në vitin 2020. (A2 Televizion)
A2 CNN Livestream
MUND TE LEXONI GJITHASHTU
