Oscar Piastri ka fituar Çmimin e Madh të Azerbajxhanit, duke treguar formën e shkëlqyer të McLaren në këtë fazë të sezonit.
Australiani siguroi fitoren e dytë në karrierë, duke parakaluar Charles Leclerc dhe duke e mbajtur pilotin e Ferrarit për 30 xhiro pas, shkruan A2.
Pas krahëve të tyre, kishte një luftë të bukur mes Carlos Sainz (Ferrari) dhe Sergio Perez (Red Bull), por një përplasje kur mbeteshin vetëm dy xhiro i nxori të dy pilotët nga gara dhe i dorëzoi vendin e tretë në podium George Rusell (Mercedes).
Lando Norris u rendit në vendin e katërt dhe shkurtoi në 59 pikë diferencën nga Max Verstappen, i cili doli i pesti me një makinë Red Bull që po kalon probleme të mëdha dhe tashmë nuk ia bën aq të sigurt fitoren e titullit kur kanë mbetur 7 gara nga fundi i sezonit.
(A2 Televizion)
A2 CNN Livestream
MUND TE LEXONI GJITHASHTU
