Partizani i volejbollit të vajzave ka nisur zyrtarisht stërvitjen për sezonin e ri. Të drejtuar nga trajneri Andi Lundra, skuadra e kuqe synon të nisë edicionin me objektiva të mëdha.
Nuk duan të bëjnë premtime, por kërkojnë që fjala e tyre të dëgjohet vetëm në parket, shkruan A2.
Shumë punë për një sezon me shumë pritshmëri. Vajzat e Partizanit po përgatiten për edicionin e ri në volejbollin shqiptar. Ndonëse rivaliteti në parket është shtuar vitet e fundit, kjo nuk e tremb aspak ekipin e kuq, përkundrazi e motivon për të dhënë maksimumin.
Skuadra kryeqytetase deri më tani është e ndërtuar me volejbolliste shqiptare që, sipas trajnerit Lundra, premtojnë për një sezon spektakolar.
Kapitenia e Partizanit, Joana Kushi tregoi se forma fizike e lojtareve është e mirë, ndërsa synimi i vetëm mbetet fitimi i titullit kampion.
Sezoni i ri në volejbollin shqiptar do të nisë në fillim të shtatorit, me Kupën e Federatës. (A2 Televizion)
A2 CNN Livestream
MUND TE LEXONI GJITHASHTU
