Sporti në zi, gjendet i pajetë, në një park, trupi i “yllit” francez

Bota e regbisë, dhe jo vetëm, u zgjua e shokuar dje për lajmin e vdekjes së parakohshme të njërit prej personazheve më të dashur të sportit francez.

Christophe Dominici, një nga regbistët europianë më të njohur të viteve ’90-2000, u gjet i pajetë në një zonë disi periferike të kryeqytetit Paris. Sipas dëshmive, ish-atleti u hodh nga një pallat që ndodhej në Parc Saint-Cloud.

I lindur në Tolone 48 vjet më parë nga prindër me origjinë nga Korsika, Dominici ishte protagonist në disa prej fitoreve më të mëdha të Francës në atë sport.

Fitues 4 herë i turneut të Gjashtë Kombeve, francezi arriti kulmin e tij në vitin 1999, kur praktikisht çoi në finale të Kupës së Botës vendin e tij, pas një aksioni individual ndaj gjigantëve të Zelandës së Re, që gjykoheshin si të pamposhtshëm.  

Pikërisht nga humbje e asaj finale ndaj Australisë, Dominici filloi të shfaqë problemet e para psikike, edhe pse vijoi karrierën deri në vitin 2007.

Dominici ishte personazh i dashur nga publiku francez. Sot, lajmi i vdekjes tragjike u komunikua në Parlamentin francez, ku të gjithë deputetët duartrokitën të ngritur në këmbë.   (A2 Televizion)