Presidenti, Ilir Meta, përsëriti dhe njëherë thirrjen për kodifikimin e marrëveshjes së 5 qershorit nga palët, pas takimit që zhvilloi me përfaqësuesit diplomatikë të vendeve të BE.
Ai deklaroi se nëse kjo marrëveshje dështon, ajo do të ketë vetëm një përgjegjës dhe i kërkoi kryeministrit Rama që të lërë mënjanë interesin politik përpara atij kombëtar.
“Kjo qeveri vë dorë mbi zgjedhjet në mënyrë të hapur dhe përsëri opozita bëri lëshimin duke pranuar të mos vendosej kusht i tillë që të mbyllej marrëveshja dhe të jepej një mesazh për shqiptarët dhe ata që punojnë për anëtarësimin e Shqipërisë. Ka dhe pak kohë për reflektim dhe uroj që të ketë reflektim përndryshe përgjegjësia do të jetë e një fajtori.
Nuk do të ketë dy fajtorë nëse shkelet marrëveshja e 5 qershorit, do ketë vetëm një. I cili për fatin personal kërkon të vërë në lojë fatin e 4 milionë shqiptarëve. Secili prej politikanëve duhet të ndajë çështjet shtetërore dhe të interesit kombëtar nga interesi personal dhe ai partiak. Kush mendon se fati i tij është më i rëndësishëm se e ardhmja europiane e ka shumë gabim dhe është në kohë për të reflektuar dhe për të përmirësuar të ardhmen e tij”, u shpreh Meta. (A2 Televizion)
A2 CNN Livestream
MUND TE LEXONI GJITHASHTU
