Dy vite e gjysmë pas shembjes së Teatrit Kombëtar, në të njëjtin vend u vendos guri i parë me skicat e projektit për të ndërtuar godinën e re.
Nën masat e policisë të cilët kishin rrethuar zonën dhe me praninë e arkitektit danez e të aktorëve, kryeministri Edi Rama beson se teatri i ri do të jetë edhe në agjendën e festivaleve ndërkombëtare, duke hequr një paralele edhe me stadiumin e ri Arena Kombëtare.
Pas prezantimit të projektit, shefi i qeverisë shqiptare u kujdes të nënvizonte që në këtë zonë nuk përfshihet ndërtimi i kullave.
Edi Rama justifikoi edhe kundërshtinë e aktorëve që para 3 vitesh ishin kundër shembjes, por që këtë të mërkurë ishin të pranishëm në nisjen e punimeve për godinën e re.
Kryeministri ia dorëzoi stafetën kryebashkiakut të Tiranës për t’u kujdesur për punimet e godinës, e cila, sipas planit, duhet të përfundojë në pranverën e 2025.
Në prezantimin e projektit, arkitekti danez shpjegoi që skenat do të jenë në mes që nga kati i parë deri lart, ndërsa ambjenti i jashtëm në çati do të përdoret gjithashtu edhe për shfaqje. (A2 Televizion)
A2 CNN Livestream
MUND TE LEXONI GJITHASHTU
