Tërmeti në Turqi, e moshuara nxirret pas 17 orësh nga gërmadhat

Një grua e moshuar është nxjerrë e gjallë nga gërmadhat e një godine të rrëzuar nga tërmeti i të premtes në Turqi, pasi kishte qëndruar e bllokuar për 17 orë. Video e publikuar nga Reuters tregon se si grupet e shpëtimit e nxjerrin atë nga rrënojat, për ta çuar më pas në spital. Mosha e saktë e gruas nuk është bërë e ditur. Në pamjet filmike ajo duket e trembur, por e lumtur pas është shpëtuar.

Numri i viktimave deri në pasditen e të shtunës është konfirmuar se është 22 persona, ndërsa skuadrat e shpëtimit vazhdojnë të kërkojnë për të mbijetuar të tjerë. Sipas Reuters, tërmeti i të premtes, me magnitudë 6,8 të shkallës rihter u pasua nga 401 pasgoditje, 14 prej të cilave me magnitudë mbi 4. Epiqendra ishte në provincën Elazig, rreth 550 km në lindje të Ankarasë. (A2 Televizion)