Viti 2019 do të shpallet nga Republika e Kosovës si Viti i NATO-s. Vendimin e ka deklaruar vetë presidenti i Kosovës, Hashim Thaçi.
Viti kujton në fakt 20 vjetorin e ndërhyrjes ushtarake të Aleancës e kryesuar nga Shtetet e Bashkuara ndaj regjimit serb të Slobodan Millosheviç, pas krimeve të forcave serbe mbi popullatën civile në Kosovë.
Ndërhyrja e 24 marsit zgjati 78 ditë dhe përfaqësoi paradhomën e rrugëtimit të gjatë të forcave politike kosovare për ndërtimin e një shteti të pavarur.
Vendimin e ka përshëndetur edhe kryeministri shqiptar Edi Rama, që përmes një postimi në Twitter e ka cilësuar iniciativën si “të goditur”, që përkon edhe me 10 vjetorin e anëtarësimit të Shqipërisë në atë organizatë.
Rama ftoi Thaçin që ceremonia për futjen e modelit “Schengen” në kufijtë midis Shqipërisë dhe Kosovës të jetë moment kulmor i ceremonive. (A2 Televizion)
A2 CNN Livestream
MUND TE LEXONI GJITHASHTU
