1535 – Henry VIII deklaron veten si kreun e Kishës së Anglisë. 
1759 – Muzeu Britanik hapet në shtëpinë Montague, në Londër. Koleksioni i tij i përhershëm, që numëron rreth 8 milionë vepra, është ndër më të mëdhenjtë e më i ploti që ekziston. Aty përfaqësohet me ilustrime, artefakte dhe dokumente, historia dhe kultura njerëzore nga fillimet e saj, deri në të tashmen. 
1889 – Kompania Coca – Cola, e njohur si Kompania Mjekësore Pemberton, hap zyrat e saj në Atlanta, Xhorxhia. 
1914 – Ismail Qemali jep dorëheqjen nga posti i kryetarit të qeverisë së përkohshme, që e kishte mbajtur qe prej dimrit te vitit 1912. 
1943 – Përfundojnë punimet e ndërtesës më e madhe zyrtare në botë, Pentagoni. Punimet kishin filluar më 11 Shtator 1941. Rreth 100 mijë kilometra kabllo telefonike shtrihen në mbarë ndërtesën 5-këndshe, për të mundësuar kryerjen e 200 mijë telefonatave në ditë. Zyra postare e Pentagonit kalon nëpër duar 1 milion e 200 mijë letra e pako postare në muaj. Në kulmin e aktivitetit, gjatë Luftës së Dytë Botërore, në Pentagon punonin 33 mijë njerëz. 
1944 – Komisioni Këshillues Evropian vendos që pas luftës, Gjermania të ndahet. 
1962 – Zbulohet Papirusi i Dervenit, dorëshkrimi më i vjetër i mbijetuar në Evropë. Papirusi u gjet në një varr pesë kilometra në veriperëndim të Selanikut. 
1992 - Kroacia dhe Sllovenia u njohën ndërkombëtarisht. 
1993 – Kreu i Mafias, Salvatore “Toto” Riina, arrestohet në Palermo. 
1999 – 45 shqiptarë në fshatin Reçak të Kosovës, vriten nga forcat serbe të sigurimit. Kjo njihet si Masakra Reçakut.
Kalendari historik, 15 janar 2020. (A2 Televizion)
A2 CNN Livestream
MUND TE LEXONI GJITHASHTU
