Tjetër aksident në punë, ndërron jetë pasi bie nga lartësia 56-vjeçari në Tiranë

Një 56-vjeçar ka ndërruar jetë këtë të enjte pasi ka rënë nga lartësia gjatë punës.

“Më datë 03.09.2020, rreth orës 16:10, në rrugën “Kongresi i Manastirit”, duke punuar në një kantier ndërtimi, dyshohet se ka rënë nga lartësia punëtori shtetasi I.B., 56 vjeç, dhe për pasojë ka gjetur vdekjen”, bën të ditur policia.

Po këtë të enjte, rreth orës 14:50, në Kamëz një 35-vjeçar ka ndërruar jetë pasi është aksidentuar në punë. Sipas policisë, duke punuar në një fabrikë prodhimi parafabrikat, shtetasin B.M., 35 vjeç, dyshohet se e ka kapur makineria e fabrikës, ku si pasojë e plagëve të marra, ka ndërruar jetë në spital.

Policia po punon për zbardhjen e rrethanave të këtyre dy ngjarjeve. (A2 Televizion)