Traditat e Krishtlindjeve në mbarë botën ndryshojnë, por gëzimi, ndarja e dhuratave dhe ngrënia e vakteve të mira pranë familjes duket se i bashkojnë të gjithë. (A2 Televizion)
Australia - Për australianët, Krishtlindjet përkojnë me stinën e verës. Në ditën e Krishtlindjes, shumë familje do të festojnë duke bërë zgarë në oborret e shtëpive dhe më pas do të shkojnë në plazh. Në vend që të vijë me stlitën e zakonshme, Babagjyshi ndonjëherë shfaqet në plazh duke bërë sërf. Një traditë tjetër vendase është "Kënga nën dritën e qiririt", e cila zhvillohet anembanë Australisë, nga Sindnei në Melburn, ku grupe njerëzish mblidhen dhe këndojnë këngët e Krishtlindjeve, duke mbajtur qirinj. 
Kinë - Ndërsa në shumë vende të botës ëmbëlsirat mbizotërojnë në tavolinën e Krishtlindjeve, në Kinë, mollët janë ëmbëlsira e preferuar festive. Besohet se tradita vjen nga ngjashmëria e fjalës kineze për mollën - ping guo - me fjalën kineze për natën e Krishtlindjes - ping'an ye. Edhe pse Krishtlindja nuk është një festë zyrtare në Kinë, nga viti në vit festohet gjithnjë e më shumë. "Mollët e paqes', që janë mollë të zakonshme të paketuara në kuti të veçanta ose të zbukuruara me mesazhe Krishtlindjesh, janë kthyer në dhuratën e preferuar për t'u bërë për njerëzit e dashur. 
Meksika - Në qytete dhe qyteza anembanë Meksikës, festa e Krishtlindjeve e Las Posadas festohet midis 16 dhe 24 dhjetorit. Las Posadas përkujton udhëtimin e gjatë që Jozefi dhe Maria bënë nga Nazareti në Betlehem në kërkim të strehimit, një vend i sigurt ku Maria mund të lindte foshnjën Jezus. Gjatë Las Posadas, që në spanjisht do të thotë "bujtina" ose "strehë", fëmijët vishen me rroba me një engjëll. Të rriturit dhe muzikantët ndjekin procesin, duke u ndalur në shtëpitë e parazgjedhura. Çdo shtëpi përfaqëson një han dhe kur aty kërkohet strehim, të gjithëve iu sigurohet pije freskuese dhe këndohen këngët e Krishtlindjeve. Festa zgjat nëntë netë për nder të nëntë muajve të shtatzënisë së Marisë. 
Norvegjia - Për disa norvegjezë, traditat më të reja të krishtera të Krishtlindjeve janë të përziera me ato të lashta pagane. Një traditë e natës së Krishtlindjes është që të fshihen të gjitha fshesat para se të shkojnë në shtrat, pasi thuhet se shtrigat e liga dhe shpirtrat e këqij që dalin natën e 24 dhjetorit do të vjedhin çdo fshes që shohin, që të fluturojnë. Një traditë më e ëmbël norvegjeze është shërbimi i "riskrem", një puding orizi i ftohtë. Familjet do të vendosin një bajame të vetme brenda pudingut dhe kushdo që e gjen do të marrë një çmim të vogël dhe gjithashtu thuhet se do të ketë fat të mirë. 
Amerikë - Për miliona amerikanë që festojnë Krishtlindjet, kjo festë është sinonim i traditave nga pjekja dhe dekorimi i biskotave deri te zbukurimi i pemës dhe oborreve të shtëpisë me drita shumëngjyrëshe. Amerikanët bëjnë gjithashtu shpenzime pafund për të gjetur dhuratën e përsosur ndërsa dëgjojnë këngët dhe filmat klasikë të Krishtlindjeve.
A2 CNN Livestream
MUND TE LEXONI GJITHASHTU
