Pjesëtari i një grupi kriminal që merrej me trafik droge dhe armësh, kryesisht në Spanjë, është arrestuar sot nga policia e shtetit në Fier, në bashkëpunim me Interpol.
Bëhet fjalë për 67-vjeçarin me inicialet Gj.P, banues në Fier, i cili ishte në kërkim ndërkombëtar nga drejtësia spanjolle me akuzat “Trafikimi i narkotikëve”, "Kultivimi i bimëve narkotike", “Organizata kriminale", “Armëmbajtja pa leje” dhe “Vjedhja e energjisë elektrike”.
Kjo akuzë e fundit, tregon edhe se si banda përshtaste ambiente të mbyllura në vendin e BE-së për t’i shndërruar në “shtëpi bari”, duke kultivuar kanabis falë disa llambave, që konsumojnë një sasi të konsiderueshme energjie.
Pak ditë më parë, një tjetër pjesëtar i bandës ishte arrestuar po në të njëjtin qytet, kësaj radhe 22-vjeçari XH.A.
Interpol Tirana vijon procedurat për ekstradimin e shtetasit. (A2 Televizion)
A2 CNN Livestream
MUND TE LEXONI GJITHASHTU
