Presidenti i Republikës, Bajram Begaj, ka reaguar me një deklaratë për mediat, në lidhje me ngjarjet tragjike të kësaj të mërkure, ku Dan Hutra, i arrestuar në mbrëmje nga policia, vrau 3 gra.
Presidenti thekson se duhet luftuar fortë që të ndryshojë realiteti i dhunshëm ndaj gruas në shoqërinë tonë, ndërsa shprehet se ndaj autorit duhet të veprohet me forcën e ligjit.
“Lajmet makabre të ditës së sotme në Tiranë, ku tri gra janë vrarë e tri të tjera janë plagosur, janë tërësisht të papranueshme! I shpreh ngushëllimet e mia më të sinqerta familjeve të viktimave!
Fenomene të tilla të dhunës ekstreme apo të çdo lloj forme dhune ndaj grave nuk kanë vend dhe nuk mund të jenë pjesë e shoqërisë sonë demokratike, ku dinjiteti dhe jeta e njeriut janë vlera të larta dhe të pazëvendësueshme.
Dënoj ashpër të gjitha ngjarjet e dhunës në familje dhe kërkoj që organet ligjzbatuese të veprojnë me forcën e ligjit. Një shoqëri ku gruaja vritet, dhunohet, keqtrajtohet, nënshtrohet, është një shoqëri që nuk duhet të pushojë së vepruari deri sa ky realitet të ndryshojë totalisht”, u shpreh Begaj. (A2 Televizion)
A2 CNN Livestream
MUND TE LEXONI GJITHASHTU
