Burime nga shërbimi i Mbrojtjes në Shtetet e Bashkuara bëjnë me dije se disa anije iraniane që mendohet se transportonin armë për Venezuelën, u kthyen në mes të rrugës në Afrikë, pas kërcënimeve nga SHBA se do të reagojë ashpër.
Sipas të njëjtave burime, këto anije u kthyen dhe tashmë mund të kenë si destinacion Sirinë mbase dhe Rusinë.
Anijet luftarake Sahand dhe anija Makran po lundronin përmes oqeanit Atlantik. Ato ishin nisur muajin e kaluar nga porti jugor Iranian Bandar Abbas.
Ato mendohet se po bënin një transferim të paligjshëm armësh dhe për këtë arsye e kishin ndryshuar itinerarin disa herë. Tashmë mendohet se i janë drejtuar Sirisë pas kërcënimit të Uashingtonit se do të sekuestrojnë të gjitha ngarkesat e paligjshme drejt Venezuelës. (A2 Televizion)
A2 CNN Livestream
MUND TE LEXONI GJITHASHTU
