Edhe pse deri në këtë fazë të Europianit, tifozët anglezë i kanë qëndruar pranë kombëtares së “Tre Luanëve”, në çerekfinalen ndaj Ukrainës nuk do të lejohet asnjë tifoz nga Britania e Madhe të udhëtojë në Romë, kur do të luhet më 3 korrik ndeshja në “Olimpico” të Romës.
“Ndeshja e kampionatit Europian më 3 korrik mes Anglisë dhe Ukrainës mund të sjellë rrezik për vendin dhe për këtë arsye për të gjithë personat është e detyrueshme karantina prej 5-ditësh”, tha këshilltari për shëndetësinë në rajonin e Lazio-s, Alessio D'Amato.
Në bazë të këtij vendimi, tifozët që do të niseshin sot për në Romë, do të duhet të qëndrojnë në izolim deri më 4 korrik, një ditë pasi të jetë luajtur ndeshja. Megjithatë, mund të përfitojnë shtetasit anglezë të cilët kanë mbërritur prej ditësh në kryeqytetin italian. (A2 Televizion)
A2 CNN Livestream
MUND TE LEXONI GJITHASHTU
