Ish-Presidenti amerikan, Donald Trump, në një intervistë për gazetarin e Fox News, Sean Hannity, deklaroi se ajo që po ndodh në Afganistan është e pabesueshme dhe se talebanët po ia hedhin amerikanëve.
“Po na e hedhin njerëz të fortë, që janë negociatorë fantastikë. Janë shumë të mirë në negociata, pasi kanë mijëra vite që luftojnë dhe gjithçka që ka të bëjë me ta, ata e negociojnë. Po na e hedhin, të shohim se çfarë do të ndodhë në javët në vijim”, tha Trump.
Më tej, Trump tregoi se ku gaboi Presidenti aktual i SHBA-së, Joe Biden: “Në fillim duhet të kishte larguar të gjithë amerikanët që janë atje. Po na shkakton turpërimin më të madh në historinë e vendit tonë. Është gjë e mirë që po largohemi nga Afganistani, por askush nuk ka bërë një tërheqje më të keqe sesa Joe Biden”. (A2 Televizion)
A2 CNN Livestream
MUND TE LEXONI GJITHASHTU
