Presidenti i Republikës, Ilir Meta, ka dekretuar aktet normative të miratuara së fundmi në Parlament dhe që kanë lidhje me marrëveshjen e arritur mes qeverisë dhe kompanisë Pfizer për marrjen e vaksinave kundër koronavirusit.
Gjithashtu, Kreu i Shtetit miratoi dhe aktin që autorizon ministrin e Shëndetësisë dhe atë të Rindërtimit për zhvillimin e negociatave me prodhuesit e tjerë të vaksinës anti-Covid-19 që janë certifikuar nga Departamenti Amerikan i Ushqimit dhe Barnave (FDA) dhe Agjencia Europiane e Barnave (EMA).
Megjithatë, Meta i kërkon qeverisë që të angazhohet me të gjitha burimet e mundshme për sigurimin e dozave të nevojshme të vaksinës për të gjithë popullsinë, brenda një kohe sa më të shkurtër.
Kreu i Shtetit thekson domosdoshmërinë e informimit të duhur të qytetarëve për vaksinën dhe karakteristikat e saj, sipas rregullave, që formojnë këtë proces me kaq rëndësi. (A2 Televizion)
A2 CNN Livestream
MUND TE LEXONI GJITHASHTU
