Një 72-vjeçar meksikan, i cili u arrestua para disa ditësh si i dyshuar për vrasjen e 9 femrave, ka pranuar para gjykatës se ka vrarë 7 prej tyre, duke shtuar se viktimës së fundit i kishte hequr edhe fytyrën, pasi “ishte e shumë e bukur”.
“Dua t’ju tregoj vetëm të vërtetën. Ia hoqa fytyrën sepse ishte shumë e bukur. Ajo që u bë, u bë”, tha ai që mediat e quajnë “vrasësi serial kanibal”.
Andrés Mendoza e bëri deklaratën shokuese gjatë 4 orëve që zgjati seanca, ku u akuzua zyrtarisht për vrasjen e gruas së një polici të zonës.
I moshuari, i cili punonte si kasap, u arrestua pasi gruaja 34-vjeçare e policit u zhduk dhe policia kontrolloi banesën e tij. Gjatë kërkimeve, u gjetën eshtra të saj, së bashku me eshtra të 9 grave të tjera, video me vrasjet e tyre dhe objekte personale të viktimave.
Mendoza pranoi para gjykatës se ka ngrënë pjesë nga trupi i viktimave. Edhe pse Mendoza tha se ka vrarë 7 gra, hetuesit mendojnë se numri i viktimave që nga viti 2001 mund të jetë 20. (A2 Televizion)
A2 CNN Livestream
MUND TE LEXONI GJITHASHTU
