Një 51-vjeçar është vrarë në orët e para të mëngjesit me armë zjarri në fshatin Shelqet të Vaut të Dejës, pas një konflikti, që sipas informacioneve paraprake, ndodhi për motive të dobëta.
Mësohet se viktima Agron Metushi u qëllua disa herë me automatik kallashnikov nga Alfons Palushani 37 vjeç.
Nga hetimet dyshohet se konflikti nisi në lokalin e fshatit dhe menjëherë Alfons Palushani ka shkuar në banesë, ka marrë armën e zjarrit kallashnikov dhe në momentin që shtetasi Agron Metushi ka hipur në automjetin e tij për t'u larguar, ai e ka qëlluar me armë zjarri.
Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje.
Shërbimet e Policisë janë vënë në ndjekje të autorit dhe vijon kontrolli i zonës për kapjen e tij. (A2 Televizion)
A2 CNN Livestream
MUND TE LEXONI GJITHASHTU
