Tre ushtarë francezë humbën jetën të hënën, ndërsa ishin në veprim në Mali. Presidenca franceze u shpreh në një deklaratë se ata vdiqën, pasi një mjet shpërthyes i improvizuar goditi automjetin e tyre të blinduar.
Ushtarët ishin me një mision në rajonin jugor të Hombori, pjesë e operacioneve ushtarake të Francës Barkhane në Mali kundër luftëtarëve islamikë.
Tre të vrarët e çojnë në 47 numrin e ushtarëve francezë të vrarë në Mali që kur Franca ndërhyri për herë të parë ushtarakisht në janar 2013, për të ndihmuar në largimin e xhihadistëve islamikë të cilët kishin pushtuar pjesë të vendit të Afrikës Perëndimore.
Presidenti Emmanuel Macron "nderoi kujtimin e tyre me respektin më të madh", tha zyra e presidentit.
Ai nënvizoi, "vendosmërinë e Francës për të vazhduar luftën kundër terrorizmit", vijon më tej deklarata.
Forca Barkhane e Francës numëron 5100 trupa të shpërndara në të gjithë rajonin e Sahelit dhe ka luftuar grupe xhihadiste së bashku me ushtarë nga Mauritania, Çadi, Mali, Burkina Faso dhe Niger, të cilët së bashku përbëjnë grupin G5 Sahel. (A2 Televizion)
A2 CNN Livestream
MUND TE LEXONI GJITHASHTU
