Zbulohen pesë parcela kanabisi në malin e Brretit, asgjësohen 855 bimë

Nga A2 CNN
22 Maj 2023, 11:46 | Aktualitet
Zbulohen pesë parcela kanabisi në malin e Brretit, asgjësohen 855

Pesë parcela të kultivuara me kanabis në sipërfaqen pyjore të malit të Brretit janë zbuluar në një operacion të përbashkët të policisë së Krujës, Durrësit dhe FNSH-së së Tiranës.

Në total, janë sekuestruar 855 fidanë kanabisi dhe janë asgjësuar më pas përmes djegies.

Si rezultat i kontrolleve, gjatë kësaj faze të operacionit policor antikanabis të koduar “Territor i pastër”, në zonën pyjore të malit të Brretit, u konstatuan 5 ambiente të hapura ku u gjetën të kultivuar gjithsej 855 fidanë dhe bimë të dyshuara narkotike cannabis sativa”, njofton policia.

Sakaq, policia vijon veprimet e thelluara hetimore, për identifikimin dhe kapjen e autorit/ëve të kësaj veprimtarie kriminale.

Materialet procedurale për këtë çështje i kaluan Prokurorisë së Durrësit, për veprime të mëtejshme, për veprën penale "Kultivimi i bimëve narkotike". (A2 Televizion)

A2 CNN Livestream

Latest Videos