Dhjetëra persona janë shpallur të zhdukur dhe dyshohet të kenë humbur jetën pasi trageti me të cilin udhëtonin u godit nga një ciklon i fuqishëm në Ishujt Solomon edhe pse drejtuesit e mjetit ujor ishin paralajmëruar për motin e keq.
Trageti MV Taimareho ishte nisur në mbrëmje nga kryeqyteti Honiara dhe kishte si destinacion ishullin Malaita. Mjeti lundrues u përball me dallgë të mëdha të shkaktuara nga cikloni Harold.
Sipas autoriteteve në traget dyshohet se udhëtonin mbi 60 persona dhe asnjë prej tyre nuk është gjetur ende. Ekipet e shpëtimit kanë nisur me vështirësi operacionet e kërkimit, të kushtëzuar dhe nga moti i keq.
Agjencia Kombëtare e Fatkeqësive Natyrore ka shpallur gjendjen e alarmit pasi dëmet e shkaktuara nga cikloni në Ishujt Solomon janë tepër të mëdha. Qytetarëve iu është bërë thirrje të udhëtojnë me kujdes pasi rrezikohen nga përmbytjet. (A2 Televizion)
A2 CNN Livestream
MUND TE LEXONI GJITHASHTU
