Një pacient me probleme të shëndetit mendor ka humbur jetën pas zjarrit që ra në spitalin psikiatrik të Kosovës. Mësohet se ka qenë vetë pacienti që i ka vënë flakën dhomës në të cilën po qëndronte, për pasojë gjeti vdekjen, e ndërsa 5 persona të tjerë kanë mbetur të lënduar.
Mes tyre janë 1 pacientë, dy mjekë dhe dy infermiere, të cilët janë asfiksuar nga tymi.
Ngjarja ka ndodhur mbrëmjen e djeshme rreth orës rreth orës 23:00, në Repartin e Urgjencës dhe Intensives Psikiatrike, në njërën nga dhomat e tipit të mbyllur, ku qëndrojnë pacientët përkohësisht, pacientë në gjendje të agresivitetit dhe agjitimit të theksuar psikomotor, jo koshient për gjendjen mendore.
“Qendra Klinike Universitare e Kosovës (QKUK), njofton se mbrëmë rreth orës 23:00, në Repartin e Urgjencës dhe Intensives Psikiatrike ka ndodhur një zjarr, në njërën nga dhomat e tipit të mbyllur, ku qëndrojnë pacientët përkohësisht, pacientë në gjendje të agresivitetit dhe agjitimit të theksuar psikomotor, jo koshient për gjendjen mendore.
Në të njëjtin Repart, në të njëjtën kohë, dyshohet se një pacient i ka vënë zjarrin në rrethana të panjohura dhomës së tipit të mbyllur, me ç’rast si pasojë e ngulfatjes nga tymi (asfiksioni) ai ka humbur jetën, përkundër përpjekjeve maksimale të stafit shëndetësor për ta shpëtuar pacientin.
Gjithashtu gjatë kësaj kohe, një paciente tjetër ka pësuar shenja të helmimit nga tymi, e poashtu e tërë ekipi kujdestare, dy mjekë dhe dy infermiere të cilët gjatë ofrimit të ndihmës për pacientin në fjalë dhe evakuimit të pacientëve të tjerë, kanë manifestuar shenja të helmimit nga tymi dhe kanë marrë ndihmë mjekësore në Klinikën Emergjente.
Rasti është duke u hetuar nga njësitet përkatëse të Policisë së Kosovës”, thuhet në njoftim. (A2 Televizion)
A2 CNN Livestream
MUND TE LEXONI GJITHASHTU
