Roli i trajnerit në një skuadër futbolli, aq më tepër në ditët e sotme ku shumë ekipe janë të mbushura me yje, është vendimtar.
“Fourfourtwo” ka bërë një renditje të 10 trajnerëve më të mirë aktivë, duke marrë në konsideratë disa faktorë, ku sigurisht më të rëndësishmet janë rezultatet e arritura. (A2 Televizion)
Argjentinasi ka arritur të mbijetojë në periudhat më të vështira në La Liga, atëherë kur Barcelona dhe Reali ishin liderë absolutë, por Simeone arriti të ndërtojë një grup të shkëlqyer duke triumfuar edhe mbi yjet e këtyre dy superskuadrave.
Julian Nagelsmann e mori drejtimin e Bayern-it në një moment aspak të përshtatshëm duke qenë se Hansi Flick arriti të fitonte një Champions dhe kampionatin. Megjithatë, ish-trajneri i RB Leipzig ka arritur ta përballojë sfidën.
Pas surprizës së madhe me Brighton një vit më parë, Graham Potter, bëri lëvizjen e ëndërruar në karrierën e tij, duke marrë drejtimin e Chelsea-t. Blutë e Londrës ishin në një moment kritik pas largimit të Abramovic dhe rezultateve të dobëta të Tuchel, ndërsa tashmë gjithçka duket se është lënë pas krahëve.
I përpiktë dhe kërkues. Ai u largua pas rezultateve të dobëta nga Chelsea, por nuk harrohet në Londrër pasi riktheu aty Champions League-n në një moment ku pak persona kishin besim te kjo arritje.
Mikel Arteta po arrin t’i surprizojë të gjithë me “topçinjtë” e Londrës. Sezonin e kaluar, ai arriti të triumfojë në FA Cup, ndërsa këtë vit është në krye të renditjes ndaj kundërshtarëve që kanë harxhuar qindra milionë euro në merkato.
Stefano Pioli ishte një hap larg Milanit kur të gjitha mediat shkruanin për nënshkrim me gjermanin Ralf Rangnick. Megjithatë, rezultatet e njëpasnjëshme pozitive bindën drejtuesit e kuqezinjve që të shkatërronin një marrëveshje të arritur me Rangnick dhe të vazhdonin projektin me trajnerin italian. Më pas, rikthim në Champions dhe triumf në Serie A.
Antonio Conte theu Juventusin në Itali, duke rikthyer Interin në krye. Më pas, ai u largua nga ekipi pavarësisht se të gjithë tifozët ishin kundër një vendimi të tillë. Aktualisht në Londër, në drejtimin e Tottenham Hotspur, trajneri italian arriti të bindë Harry Kane të qendrojë, ndërsa tashmë renditet në vendin e tretë në kampionat, duke u rikthyer një nga kandidatat për titull.
Jurgen Klopp, pas sukseseve me Dortmund, ndryshoi gjithçka te Liverpooli duke rikthyer Reds në krye të futbollit anglez, por edhe në majën e Europës.
Italiani Carlo Ancelotti është arkitekti i Realit të Madridit që triumfoi një sezon më parë në Champions League. Ai zgjoi Benzemanë dhe e çoi atë te Topi i Artë edhe pse tashmë në moshën 34-vjeçare.
