Kemi hyre në javën e dytë të fushatës zyrtare për zgjedhjet e 14 majit dhe aktiviteti politik është intensiv në terren, por edhe në media.
Analisti Ben Andoni komentoi zhvillimin e deritanishëm të fushatës elektorale në Debat nga Alba Alishani në A2 CNN.
Ai kritikoi publikun, por edhe partitë politike për sjelljen e deritanishme në këtë fushatë. “Elementi i parë që është shumë shqetësues, ka lidhje me edukimin e publikut shqiptar. Më vjen keq ta them, por publiku shqiptar është i paedukuar për sa i përket zgjedhjeve. Publiku po i shikon votimet më shumë si një proces tallavaje sesa një proces që përball të ardhmen e 4 viteve të tyre.
Një element që më shqetëson jashtëzakonisht është paedukata e dy forcave politike, duke bashkuar Partinë Demokratike. Më shqetëson shumë, qoftë shoqëria civile, media apo partitë politike, të bënin ballafaqimin real të kandidatëve. Ne duhet të tregonim dështimin jo të vogël të pushtetit lokal të PS-së në disa vende. Ne nuk na thonë asgjë se si ka mundësi që disa bashki gati falimentuan. Nga opozita më ka shqetësuar fakti që pothuajse e ka të thelluar konceptin e Rozafës, të prishet pastaj të ndërtohet.
Të gjitha këto elemente bashkë më bëjnë të mendoj se ky proces është një proces inercie i proceseve të shkuara”, tha analisti. (A2 Televizion)
A2 CNN Livestream
MUND TE LEXONI GJITHASHTU
