Dhoma Amerikane Tregtisë ka reaguar në lidhje me taksën e pronës duke e konsideruar projektligjin me probleme thelbësore në konceptim dhe në shkrim.
Në një letër drejtuar ministres së Financave dhe Ekonomisë, Delina Ibrahimaj, Dhoma Amerikane e Tregtisë ngre shqetësimin se ndryshimet e propozuara 4-fishojnë normën e taksës së pasurisë duke rënduar mbi qytetarët.
Rishikimi i metodologjisë së vlerësimit, duke filluar nga çmimet e referencave, por dhe vendosja e një norme të vetme tatimore për taksën e pasurisë janë disa nga kërkesat që anëtarët sugjerojnë të përfshihen në këtë projektligj.
Dhoma Amerikane e Tregtisë kërkon që përcaktimi i metodologjisë së vlerësimit të bëhet në bazë të ligjit dhe të mos lihet në dorë të qeverisë, duke e konsideruar këtë një veprim në kundërshtim të Kushtetutës. (A2 Televizion)
A2 CNN Livestream
MUND TE LEXONI GJITHASHTU
