Një tjetër 27-vjeçar është proceduar penalisht, këtë herë në Dibër, pasi kreu manovra të rrezikshme me automjet dhe nuk iu bind urdhrit të punonjësit të Policisë për të dhënë dokumentacionin e mjetit.
Kjo ka ndodhur në fshatin Maqellarë të këtij qarku, ku i riu me iniciale P.D. u konstatua duke kryer manovra të rrezikshme dhe nuk iu bind policisë.
Njoftim i Policisë Dibër
Shërbimet e Postës së Policisë Maqellarë gjatë patrullimit në zonë për garantimin e rendit dhe qetësinë publike, kanë konstatuar një automjet, drejtuesi i të cilit kryente manovra të rrezikshme në qendër të Maqellarës, duke u bërë burim aksidenti, menjëherë kanë ndërhyrë dhe kanë bërë ndalimin e mjetit që drejtohej nga shtetasi P.D. 27 vjeç.
27-vjeçari, nuk i është bindur urdhrit të punonjësit të Policisë për dhënien e dokumentacionit të mjetit dhe si rezultat është bërë shoqërimi i tij në Komisariat.
Në përfundim të veprimeve të para hetimore, specialistët për Hetimin e Krimeve të Komisariatit të Policisë Dibër, referuan materialet në Prokurori ku nisi procedimi penal për shtetasin P.D., 27 vjeç, banues në Maqellarë, për veprat penale “Prishje e rendit dhe qetësisë publike” , “Mosbindje ndaj urdhrit të Punonjësit të Policisë”.
Gjithashtu specialistët e Sektorit të Qarkullimit Rrugor të DVP Dibër, e ndëshkuan me masë administrative me vlerë 48 mijë lekë të rinj, për shkelje të nenit 139, pika 3, të Kodit Rrugor. (A2 Televizion)
A2 CNN Livestream
MUND TE LEXONI GJITHASHTU
