Trupi i Matteo Messina Denaro, bosit mafioz që vdiq në repartin e të burgosurve të spitalit L’Aquila, iu nënshtrua autopsisë në prani të ekspertit të caktuar nga Prokuroria në bodrumin e Anatomisë Patologjike.
Më pas, arkivoli me trupin e tij të pajetë do të përcillet nga L’Aquila në varrezat e Castelvetrano-s, vendlindja e tij. Trupi pritet të përcillet për në banesën e fundit, mëngjesin e së mërkurës.
Arkivoli i zgjedhur nga familja është prej druri hiri dhe kushton 1500 euro. Messina Denaro nuk do të digjet, trupi do të varroset në një kamare, aty ku ndodhet edhe babai i tij Francesco, ish-bosi mafioz i provincës së Trapanit, në fund të viteve 1980.
Për transferimin, sipas Corriere della Sera, është ngritur një komitet i përhershëm me prefektët e provincave të prekura nga itinerari.
Sipas raportimeve të mediave në vend, zyrtarët e Ministrisë së Brendshme po punojnë për të organizuar një autokolonë që do të shoqërojë trupin drejt varrezave.
Megjithatë, nuk përjashtohet mundësia që të zgjidhet edhe transporti detar me tragetin Napoli-Palermo. (A2 Televizion)
A2 CNN Livestream
MUND TE LEXONI GJITHASHTU
